Tarmoqda "Manchester Siti"ning argentinalik hujumchisi Xulian Alvaresning jamoani tark etishi mumkinligi haqida mish-mishlar tarqaldi. Janubiy amerikalik futbolchiga "Barselona" qiziqish bildirmoqda, u futbolchini keyingi mavsum uchun ijaraga olishga tayyor.
Shu bilan birga, "shaharliklar" bosh murabbiyi Xosep Gvardiola hujumchining transferiga qarshi. Ispaniyalik mutaxassis Alvaresga umid qilmoqda va undan katta o‘yinlarda foydalanishga tayyor.
Transfermarkt Xulianni 50 million yevroga baholagan. Uning "shaharliklar" bilan tuzilgan mehnat shartnomasi 2027 yilning o‘rtalariga qadar mo‘ljallangan.
Alvares joriy mavsumda APLda 19 ta o‘yinda maydonga tushib, 5 ta gol urdi.
