Тармоқда "Манчестер Сити"нинг аргентиналик ҳужумчиси Хулиан Альвареснинг жамоани тарк этиши мумкинлиги ҳақида миш-мишлар тарқалди. Жанубий америкалик футболчига "Барселона" қизиқиш билдирмоқда, у футболчини кейинги мавсум учун ижарага олишга тайёр.
Шу билан бирга, "шаҳарликлар" бош мураббийи Хосеп Гвардиола ҳужумчининг трансферига қарши. Испаниялик мутахассис Альваресга умид қилмоқда ва ундан катта ўйинларда фойдаланишга тайёр.
Transfermarkt Хулианни 50 миллион еврога баҳолаган. Унинг "шаҳарликлар" билан тузилган меҳнат шартномаси 2027 йилнинг ўрталарига қадар мўлжалланган.
Альварес жорий мавсумда АПЛда 19 та ўйинда майдонга тушиб, 5 та гол урди.