"Liverpul" vingeri Luis Dias ushbu mavsumda jamoasini tark etish niyatida emas. Jurnalist Pip Syerraning so‘zlariga ko‘ra, kolumbiyalik futbolchining ketishi mumkinligi haqidagi mish-mishlar haqiqatga to‘g‘ri kelmaydi.
"Liverpul" bosh murabbiyi Yurgen Klopp Diasni jamoaning rivojlanishida muhim qismi deb biladi. Futbolchining o‘zi ham ketish niyatida emas, chunki u "Enfild"da o‘zini qulay his qilmoqda.
Eslatib o‘tamiz, Dias kuzda olgan jarohati tufayli joriy mavsumning aksariyat qismini o‘tkazib yuborgandi. Yurgen Klopp yaqinda futbolchining maydonga qaytishga yaqin ekanligini ma’lum qildi. Luis Angliya Premyer-ligasining joriy mavsumida 3 ta gol urdi va ikkita golli uzatmani amalga oshirdi.
