"Ливерпуль" вингери Луис Диас ушбу мавсумда жамоасини тарк этиш ниятида эмас. Журналист Пип Сьерранинг сўзларига кўра, колумбиялик футболчининг кетиши мумкинлиги ҳақидаги миш-мишлар ҳақиқатга тўғри келмайди.

"Ливерпуль" бош мураббийи Юрген Клопп Диасни жамоанинг ривожланишида муҳим қисми деб билади. Футболчининг ўзи ҳам кетиш ниятида эмас, чунки у "Энфилд"да ўзини қулай ҳис қилмоқда.

Эслатиб ўтамиз, Диас кузда олган жароҳати туфайли жорий мавсумнинг аксарият қисмини ўтказиб юборганди. Юрген Клопп яқинда футболчининг майдонга қайтишга яқин эканлигини маълум қилди. Луис Англия Премьер-лигасининг жорий мавсумида 3 та гол урди ва иккита голли узатмани амалга оширди.