“Brayton” klubi argentinalik yarim himoyachisi Aleksis Makallister faoliyatini Angliyada davom ettirish istagi haqida gapirdi.
"Agar men "Brayton"ni tark etsam, keyingi klubim ham Premyer-ligada bo‘lishini istayman", - deya jahon chempionidan iqtibos keltiradi mashhur jurnalist Fabrisio Romano.
Yarim himoyachining ta’kidlashicha, u hozir kelajak haqida o‘ylamaydi, chunki Aleksis hozirda "Brayton"da zavqlanmoqda.
Eslatib o‘tamiz, Makallister 2020 yildan beri "Brayton"da o‘ynab kelmoqda. Avvalroq, futbolchi uchun 85 million yevro to‘lashga tayyor bo‘lgan Angliya chempionatining nomi oshkor etilmagan klubi qiziqish bildirayotgani ma’lum bo‘lgandi. Mish-mishlarga ko‘ra, Aleksisga "Chelsi", "Manchester Siti" va "Atletiko Madrid" qiziqish bildirmoqda.