“Брайтон” клуби аргентиналик ярим ҳимоячиси Алексис Макаллистер фаолиятини Англияда давом эттириш истаги ҳақида гапирди.
"Агар мен "Брайтон"ни тарк этсам, кейинги клубим ҳам Премьер-лигада бўлишини истайман", - дея жаҳон чемпионидан иқтибос келтиради машҳур журналист Фабрицио Романо.
Ярим ҳимоячининг таъкидлашича, у ҳозир келажак ҳақида ўйламайди, чунки Алексис ҳозирда "Брайтон"да завқланмоқда.
Эслатиб ўтамиз, Макаллистер 2020 йилдан бери "Брайтон"да ўйнаб келмоқда. Аввалроқ, футболчи учун 85 миллион евро тўлашга тайёр бўлган Англия чемпионатининг номи ошкор этилмаган клуби қизиқиш билдираётгани маълум бўлганди. Миш-мишларга кўра, Алексисга "Челси", "Манчестер Сити" ва "Атлетико Мадрид" қизиқиш билдирмоқда.
