Argentina terma jamoasi darvozaboni Emiliano Martinesning fikricha, Qatardagi jahon chempionatidagi o‘yinidan so‘ng ko‘plab bolalar darvozabon bo‘lishni xohlashadi.
"Hozir bolalarning yarmi Messi, qolgan yarmi esa darvozabon bo‘lishni xohlaydi. Men faxrlanaman. FIFAning The Best mukofotidan mamnun emasman, chunki, har doim individual sovrinlarni yomon ko‘rishimni aytganman. Hozir bolalar darvozabon bo‘lishni xohlayotganidan xursandman, chunki ularga jahon chempionatida ko‘rganlari yoqdi. Faoliyatimda nima bo‘lishidan qat’iy nazar, men jahon chempionatida qo‘lga kiritilgan imkoniyat uchun doim minnatdor bo‘laman", - dedi Martines BT Sport bilan suhbatda.
