Bir oy oldin "Manchester Yunayted" hujumchisi Meyson Grinvud zo‘rlash ayblovlaridan ozod qilingan edi. Biroq futbolchi haligacha “qizil iblislar” safiga qaytgani yo‘q – klub o‘z sinovini o‘tkazmoqda.
Daily Telegraph jurnalisti Mayk MakGratning xabar berishicha, "Manchester Yunayted" turk klublaridan Grinvudni ijaraga olish bo‘yicha takliflar olmoqda.
Hujumchiga transfer oynasi ochiq qolgan mamlakatlarning boshqa klublari ham qiziqish bildirmoqda.
Biroq, “qizil iblislar” 21 yoshli futbolchi bo‘yicha tergov yakunlanmaguncha muzokaralarni boshlamoqchi emas.