Ispaniya Kubogining 1/2 final bosqichi dastlabki uchrashuvida "Barselona" safarda "Real"ni 1:0 hisobida mag‘lub etdi. Kataloniyaliklar ustozi Xavi o‘yin haqidagi fikrlari bilan o‘rtoqlashdi.

“Juda yaxshi natija. Oldinda ikkinchi o‘yin bor, lekin biz o‘z ishimizdan mamnunmiz. Biz "Real"ga ko‘p imkoniyatlarga ega bo‘lishiga yo‘l qo‘ymadik. Bugun esa 89-daqiqagacha jarima maydonchamizda aytarli jiddiy vaziyat bo‘lmadi. Jamoadan minnatdorman.

So‘nggi paytlarda jamoa birdek ishlamoqda. Raqibga yaqqol vaziyatlar yaratishga imkon bermadik, lekin bizni bunchalik ustunlik qilishimizga yo‘l qo‘yib bo‘lmaydi. Biz natijadan xursandmiz, lekin o‘yindan emas.

Biz ma’lum bir ustunlikka erishdik, ammo bu kuchli raqib. Biz uyda, muxlislarimiz ko‘z o‘ngida o‘ynaymiz” - dedi Xavi matbuot anjumanida.