"Arsenal" va yarim himoyachi Bukayo Saka shartnomani uzaytirishga kelishib oldi.

Jurnalist Fabrisio Romano xabariga ko‘ra, tomonlar o‘rtasida yangi 5 yillik shartnoma bo‘yicha kelishuv mavjud. Faqat "Arsenal"ning rasmiy bayonotini kutish qolmoqda.

Shuningdek, manbaning xabariga ko‘ra, "kanonirlar" himoyachi Uilyam Saliba bilan yangi shartnomani muhokama qilmoqda, biroq muzokaralar hali yakuniy bosqichga yetib bormagan. Salibaning o‘zi "Arsenal"da qolishni istamoqda va klub unga katta uzoq muddatli shartnoma berishga tayyor. Tomonlar hali maosh, kelishuv muddati va boshqa ba’zi tafsilotlarni muhokama qilishmagan.

21 yoshli Saka joriy mavsumda “Arsenal” safida 33 ta o‘yinda maydonga tushib, 11 ta gol urdi va 9 ta golli uzatmani amalga oshirdi. Uning amaldagi shartnomasi 2024 yilning yoziga qadar mo‘ljallangan.