"Арсенал" ва ярим ҳимоячи Букайо Сака шартномани узайтиришга келишиб олди.
Журналист Фабрицио Романо хабарига кўра, томонлар ўртасида янги 5 йиллик шартнома бўйича келишув мавжуд. Фақат "Арсенал"нинг расмий баёнотини кутиш қолмоқда.
Шунингдек, манбанинг хабарига кўра, "канонирлар" ҳимоячи Уильям Салиба билан янги шартномани муҳокама қилмоқда, бироқ музокаралар ҳали якуний босқичга етиб бормаган. Салибанинг ўзи "Арсенал"да қолишни истамоқда ва клуб унга катта узоқ муддатли шартнома беришга тайёр. Томонлар ҳали маош, келишув муддати ва бошқа баъзи тафсилотларни муҳокама қилишмаган.
21 ёшли Сака жорий мавсумда “Арсенал” сафида 33 та ўйинда майдонга тушиб, 11 та гол урди ва 9 та голли узатмани амалга оширди. Унинг амалдаги шартномаси 2024 йилнинг ёзига қадар мўлжалланган.
