“Manchester Yunayted”ning birdaniga uch nafar futbolchisi Londonning “Vest Xem” klubi qiziqishlari doirasida. Ushbu ro‘yxatga himoyachi Xarri Maguayr, yarim himoyachi Skott MakTominay va hujumchi Entoni Marsyal kiritilgan.
Football Insider xabariga ko‘ra, yozgi transfer oynasida "Vest Xem" oson bo‘lmasa-da, har uchala futbolchini ham qo‘lga kiritishga harakat qiladi.
Agar Transfermarkt portalining narx belgilariga murojaat qiladigan bo‘lsak, 29 yoshli Maguayr 30 million yevro, 26 yoshli MakTominay 30 million yevro, 27 yoshli Marsyal esa 15 million yevro turadi.
"Vest Xem" hozirda APL turnir jadvalida 16-o‘rinda bormoqda.