"Chelsi" bosh murabbiyi Grem Potter "Lids"ga qarshi o‘yin oldidan o‘z fikrlarini bildirib o‘tdi.
“Ko‘klar” o‘z maydonida ligadagi autsayderlardan biriga qarshi o‘yinda g‘alabasiz seriyasiga barham berishga harakat qiladi. Bahs shanba kuni bo‘lib o‘tadi.
“Tashqaridan umidsizlikni tushunaman, lekin o‘yinchilar va klubda ishlayotgan barchaning qo‘llab-quvvatlashini his qilyapman. Jamoamiz vaziyatni qanday o‘zgartirmoqchi ekanligini ko‘rib turibman va bu yaxshi yangilik. Muammolarga qaramay, biz bir-birimiz uchun kurashishda davom etamiz", - deya londonliklar bosh murabbiyining so‘zlaridan iqtibos keltiradi jurnalist Adam Nyuson.
"Chelsi" 24 turdan keyin 31 ochko bilan turnir jadvalida 10-o‘rinda bormoqda.