"Barselona"ning o‘ng qanot himoyachisi Serxi Roberto klub bilan shartnomasini uzaytirganidan so‘ng o‘z fikrlarini bildirib o‘tdi.

31 yoshli futbolchining yangi shartnomasi kelasi mavsum oxirigacha amal qiladi va yana bir yilga uzaytirish imkoniyatini o‘z ichiga oladi.

“Men “Barselona”ga 14 yoshimda kelganman va klubda o‘ynashda davom etayotganimdan xursandman. Oxirgi mavsumlar men uchun jarohatlar tufayli og‘ir kechdi, ammo Xavi menga ishonch uyg‘otdi – u tayinlanganidan so‘ng o‘zimni jamoaga kerakli his qildim.

Yosh futbolchi sifatida Inyesta, Xavi, Buskets, Puyol, Pike bilan to‘p tepganman. Ular menga ko‘p yordam berishdi. Hozir men o‘zim yosh yigitlarni qo‘llab-quvvatlay olaman, - dedi Roberto klubga bergan intervyusida.