"Liverpul" hujumchisi Roberto Firmino Italiya A seriyasi klublariga qiziqish bildirmoqda.

31 yoshli futbolchi iyun oyida tugaydigan shartnomasini uzaytirmaslikka qaror qilganidan so‘ng "Liverpul"ni erkin agent sifatida tark etadi. Football Italia xabariga ko‘ra, braziliyalik futbolchining ketishi haqidagi xabarlar fonida unga A Seriyaning uch nafar vakili allaqachon qiziqish bildirgan - "Yuventus", "Milan" va "Inter".

Roberto Firmino joriy mavsumda “qizillar” safida 25 ta o‘yinda maydonga tushib, 9 ta gol urdi va 4 marta jamoadoshlariga assistentlik qildi. Transfermarkt xabariga ko‘ra, hujumchining transfer qiymati 28 million yevroni tashkil qiladi.