"Chelsi"da ijara asosida o‘ynayotgan "Atletiko Madrid" hujumchisi Joau Feliks Ispaniya klubiga o‘tganini esladi.

2019 yilning iyul oyida portugaliyalik futbolchi "Benfika"dan 127 million yevrodan ko‘proq evaziga ko‘chib o‘tgan "matraschilar" safiga qo‘shildi. Umuman olganda, hujumchi Diyego Simeonening o‘yin tizimiga unchalik to‘g‘ri kelmagan, ammo Feliksning o‘zi bu qaroridan afsusda emas.

"Benfika"dan "Atletiko"ga o‘tish men uchun yaxshi bo‘ldi, bu meni konfort zonamdan chiqishimga majbur qildi. Men bu qarorimdan afsuslanmayman. Bu borada qaror qabul qilish oson bo‘lmadi va dastlab Lissabonda qolishni o‘yladim, lekin yakunda to‘g‘ri tanlov qildim. Madridda men futbolchi sifatida yaxshilandim", - deya 23 yoshli futbolchining so‘zlaridan iqtibos keltiradi jurnalist Alfredo Pedulla.