Markaziy himoyachi Samuel Umtiti faoliyatini "Inter"da davom ettirishi mumkin.
Fransiyalik futbolchi "Barselona"ga tegishli va joriy mavsumni Italiyaning "Lechche" jamoasida ijara asosida o‘tkazmoqda. Diario AS xabariga ko‘ra, "Inter" 29 yoshli markaziy himoyachining A Seriyadagi o‘yinlaridan hayratga tushganidan so‘ng Umtitini yozgi transfer maqsadlari ro‘yxatiga kiritdi.
Samuel Umtitining transfer narxi Transfermarkt tomonidan 2 million yevroga baholanmoqda. A Seriyaning joriy bahslarida himoyachi “Lechche” safida 12 ta o‘yin o‘tkazgan.