"Barselona" portugaliyalik yarim himoyachini asosiy transfer maqsadi deb hisoblaydi.
Diario Sport xabariga ko‘ra, klub prezidenti Joan Laporta va agent Xorxe Mendesh "Manchester Siti" yarim himoyachisi Bernardu Silva transferi ustida ishlamoqda.
Yarim himoyachining o‘zi ham "blaugrana"ga o‘tishni istamoqda va "shaharliklar" rahbariyati uni qo‘yib yuborishga tayyor va bu haqda unga ma’lum qilgan.
"Manchester Siti" Silvani 65 million yevroga sotishga rozi bo‘ladi. "Barselona"ning asosiy muammosi 28 yoshli portugaliyalik futbolchining maoshi bo‘lib, Premyer-ligada u yiliga 7 million yevrodan ko‘proq maosh oladi.
Silva joriy mavsumda APLning 24 o‘yinida 4 ta gol urdi va 5 ta golli uzatmani amalga oshirdi.