Erik ten Xag "Enfild"da "Liverpul"ga qarshi bo‘lib o‘tadigan o‘yindan oldingi fikrlari bilan o‘rtoqlashdi.
"Avvalo, ajoyib muhit va g‘alabalarga chanqoq munosib raqib bo‘lishini kutayman. Ammo gap ular haqida emas, balki biz haqimizda, bu bilan qanday kurashishimiz haqida. Biz tayyor bo‘lishimiz kerak.
- "Liverpul" bu mavsumda jiddiy qiyinchiliklarga duch keldi. Bu sizni ajablantirdimi?
- Albatta, natijalarni kuzatib boraman, lekin o‘yin oldidan hozir bo‘lgani kabi bor e’tiborimni jamoamga qaratganman. Men “Liverpul”ni raqib sifatida bilishim kerak, biroq men raqiblar qanday o‘ynashi haqida o‘ylamayman, meni faqat o‘zimiz qanday o‘ynashimiz qiziqtiradi" - dedi “Manchester Yunayted” bosh murabbiyi.
