Эрик тен Хаг "Энфилд"да "Ливерпул"га қарши бўлиб ўтадиган ўйиндан олдинги фикрлари билан ўртоқлашди.
"Аввало, ажойиб муҳит ва ғалабаларга чанқоқ муносиб рақиб бўлишини кутайман. Аммо гап улар ҳақида эмас, балки биз ҳақимизда, бу билан қандай курашишимиз ҳақида. Биз тайёр бўлишимиз керак.
- "Ливерпуль" бу мавсумда жиддий қийинчиликларга дуч келди. Бу сизни ажаблантирдими?
- Албатта, натижаларни кузатиб бораман, лекин ўйин олдидан ҳозир бўлгани каби бор эътиборимни жамоамга қаратганман. Мен “Ливерпул”ни рақиб сифатида билишим керак, бироқ мен рақиблар қандай ўйнаши ҳақида ўйламайман, мени фақат ўзимиз қандай ўйнашимиз қизиқтиради" - деди “Манчестер Юнайтед” бош мураббийи.
