«Manchester Yunayted» sardori va himoyachisi Rafael Varan «Enfild»da «Liverpul»dan uchralgan mag‘lubiyatdan so‘ng jamoadoshlarini muxlislar tribunasiga chiqishga majbur qildi.
Metro xabariga ko‘ra, jamoaning ba’zi futbolchilari final hushtagi yangraganidan keyin tezroq maydonni tark etishni xohlashgan, biroq fransuz ularni qolishga majbur qilgan.
Sardorning so‘zlaridan so‘ng tribuna ostidagi xonaga yo‘l olgan bir qancha futbolchilar maydonga qaytib, muxlislariga yaqinlashishdi.
Eslatib o‘tamiz, uchrashuv Erik ten Xag shogirdlarining 0:7 hisobidagi yirik mag‘lubiyati bilan yakunlangan edi. Ushbu bahsdan so‘ng «Manchester Yunayted» APL turnir jadvalida uchinchi o‘rinni egallab turibdi.