“Roma” hujumchisi Paulo Dibala A Seriya 25-turida sobiq jamoasi ustidan qozonilgan g‘alabani (1:0) nishonlagan argentinalikni tanqid qilgan “Yuventus” muxlislariga murojaat qildi.
“Sizga qiyin ekanini bilaman, lekin bugun men boshqa jamoada va boshqa jamoadoshlar bilan o‘ynayapman, ularni hurmat qilishim kerak! G‘alaba qozonish hech qachon oson emas, bu biz uchun muhim edi.
Goldan xursand bo‘lmadim, g‘alabani sheriklarim bilan nishonladim. Buni ko‘rmaganingizdan afsusdaman, barchangizni quchoqlab, sevaman”, - deya Dibalaning so‘zlarini keltirgan jurnalist Alfredo Pedulla.
29 yoshli hujumchi o‘tgan yozda "Roma"ga o‘tgan edi. Avvalroq u "Yuventus"da 7 mavsum o‘ynagan. Dibala joriy mavsum A Seriyada 18 ta o‘yinda maydonga tushib, 8 ta gol urdi va 7 ta golli uzatmani amalga oshirdi.
