"PSJ" bosh murabbiyi Kristof Galtye "Bavariya"ga qarshi YECHL 1/8 final javob uchrashuvi arafasida o‘z fikrlarini bildirib o‘tdi.
"Chempionlar ligasi - bu katta maqsad. "PSJ" g‘alaba qozonish uchun agressiv harakat qilishi kerak. Agar shunday munosabatda bo‘lsak, chorak finalga chiqish imkoniyatimiz bo‘ladi. Bizning rejamiz birinchi o‘yindan farq qiladi, Mbappening qaytishi ko‘proq imkoniyatlar beradi", - dedi Galtye RMC Sport bilan suhbatda.
Eslatib o‘tamiz, birinchi uchrashuv "Bavariya"ning "PSJ" ustidan 1:0 hisobidagi g‘alabasi bilan yakunlangan edi. Javob o‘yini ertaga, 8 mart kuni tunda bo‘lib o‘tadi.