"ПСЖ" бош мураббийи Кристоф Галтье "Бавария"га қарши ЕЧЛ 1/8 финал жавоб учрашуви арафасида ўз фикрларини билдириб ўтди.
"Чемпионлар лигаси - бу катта мақсад. "ПСЖ" ғалаба қозониш учун агрессив ҳаракат қилиши керак. Агар шундай муносабатда бўлсак, чорак финалга чиқиш имкониятимиз бўлади. Бизнинг режамиз биринчи ўйиндан фарқ қилади, Мбаппенинг қайтиши кўпроқ имкониятлар беради", - деди Галтье RMC Sport билан суҳбатда.
Эслатиб ўтамиз, биринчи учрашув "Бавария"нинг "ПСЖ" устидан 1:0 ҳисобидаги ғалабаси билан якунланган эди. Жавоб ўйини эртага, 8 март куни тунда бўлиб ўтади.