Madridning «Real» klubi yarim himoyachisi Dani Sebalyos yozgi transfer oynasida klubini o‘zgartirishi mumkin. Bu haqda El Chiringuito jurnalistlari xabar bermoqda.

Manba bergan xabarga ko‘ra, futbolchi «Santyago Bernabeu»da oladigan o‘yin vaqtidan norozi. Shu munosabat bilan u boshqa jamoaga o‘tish haqida o‘ylamoqda.

Yarim himoyachi xizmatlariga Ispaniyaning yana bir top-klubi «Atletiko» qiziqish bildirmoqda. «Matraschilar» joriy mavsum yakunida futbolchiga taklif bilan chiqadi.

Sebalyos joriy mavsum «Real» tarkibida 25 ta o‘yinda maydonga tushib, 1 ta gol va 4 ta golli uzatmaga mualliflik qilgan.