Мадриднинг «Реал» клуби ярим ҳимоячиси Дани Себальос ёзги трансфер ойнасида клубини ўзгартириши мумкин. Бу ҳақда El Chiringuito журналистлари хабар бермоқда.

Манба берган хабарга кўра, футболчи «Сантьяго Бернабеу»да оладиган ўйин вақтидан норози. Шу муносабат билан у бошқа жамоага ўтиш ҳақида ўйламоқда.

Ярим ҳимоячи хизматларига Испаниянинг яна бир топ-клуби «Атлетико» қизиқиш билдирмоқда. «Матрасчилар» жорий мавсум якунида футболчига таклиф билан чиқади.

Себальос жорий мавсум «Реал» таркибида 25 та ўйинда майдонга тушиб, 1 та гол ва 4 та голли узатмага муаллифлик қилган.