"Yuventus" yarim himoyachisi Adriyen Rabyo yana "Manchester Yunayted"ning transfer maqsadiga aylandi.
Fransiyalik futbolchi o‘tgan yili "qizil iblislar" safiga qo‘shilishi mumkin edi, ammo klub uning maosh talabini rag‘batlantirmadi. Insayder Nikolo Shkiraning so‘zlariga ko‘ra, "Manchester Yunayted" shu yozda yana Rabyoni olishga urinib ko‘rishi mumkin, bu safar erkin agent sifatida. 27 yoshli yarim himoyachining “Yuventus” bilan shartnomasi iyun oyida yakuniga yetadi.
Adriyen Rabyo 2019 yildan beri "Byankoneri" ranglarini himoya qilib kelmoqda. Joriy mavsumda u 29 ta o‘yinda maydonga tushib, 7 ta gol va 2 ta golli uzatmaga mualliflik qildi.