"Ювентус" ярим ҳимоячиси Адриен Рабьо яна "Манчестер Юнайтед"нинг трансфер мақсадига айланди.
Франциялик футболчи ўтган йили "қизил иблислар" сафига қўшилиши мумкин эди, аммо клуб унинг маош талабини рағбатлантирмади. Инсайдер Николо Шкиранинг сўзларига кўра, "Манчестер Юнайтед" шу ёзда яна Рабьони олишга уриниб кўриши мумкин, бу сафар эркин агент сифатида. 27 ёшли ярим ҳимоячининг “Ювентус” билан шартномаси июн ойида якунига етади.
Адриен Рабьо 2019 йилдан бери "Бянконери" рангларини ҳимоя қилиб келмоқда. Жорий мавсумда у 29 та ўйинда майдонга тушиб, 7 та гол ва 2 та голли узатмага муаллифлик қилди.