“Manchester Yunayted” himoyachisi Lisandro Martines Yevropa ligasi 1/8 finali birinchi o‘yinida “Betis” ustidan qozonilgan g‘alaba (4:1) haqida fikr bildirdi.
“Biz ajoyib ish qildik, ayniqsa ikkinchi bo‘limda. Ko‘p vaziyatlar yaratdik va to‘rtta gol urdik. Bu yaxshi natija, lekin o‘yin hali yakuniga yetmagan, shuning uchun diqqatimizni jamlab, javob o‘yiniga yaxshi tayyorgarlik ko‘rishimiz kerak.
Bu o‘yin kim ekanligimizni ko‘rsatdi. Biz har doim g‘alaba qozonishni xohlaymiz. "Liverpul"ga qarshi o‘yinda biz o‘zimiz emas edik. Ha, bu shok bo‘ldi, chunki o‘yin biz uchun juda yomon hisob bilan yakunlandi. Aytishimiz kerak bo‘lgan narsani aytdik. Endi biz davom etishimiz kerak", - deya Martinesning so‘zlarini keltiradi UYEFA matbuot xizmati.
