“Манчестер Юнайтед” ҳимоячиси Лисандро Мартинес Европа лигаси 1/8 финали биринчи ўйинида “Бетис” устидан қозонилган ғалаба (4:1) ҳақида фикр билдирди.

“Биз ажойиб иш қилдик, айниқса иккинчи бўлимда. Кўп вазиятлар яратдик ва тўртта гол урдик. Бу яхши натижа, лекин ўйин ҳали якунига етмаган, шунинг учун диққатимизни жамлаб, жавоб ўйинига яхши тайёргарлик кўришимиз керак.

Бу ўйин ким эканлигимизни кўрсатди. Биз ҳар доим ғалаба қозонишни хоҳлаймиз. "Ливерпуль"га қарши ўйинда биз ўзимиз эмас эдик. Ҳа, бу шок бўлди, чунки ўйин биз учун жуда ёмон ҳисоб билан якунланди. Айтишимиз керак бўлган нарсани айтдик. Энди биз давом этишимиз керак", - дея Мартинеснинг сўзларини келтиради УЕФА матбуот хизмати.