Londonning "Chelsi" klubi yarim himoyachisi Meyson Maunt faoliyatini boshqa ingliz top-klubida davom ettirishi mumkin. The Guardian xabariga ko‘ra, "Manchester Yunayted" futbolchini o‘z safiga qo‘shib olmoqchi.

Manbaning ta’kidlashicha, "qizil iblislar" o‘rta chiziqni mustahkamlash uchun uni arzonroq variant deb hisoblagan holda, diqqatini Jud Bellingemdan Mauntga o‘tkazishga qaror qilishdi. Meyson xizmatlariga "mankunianliklar"dan tashqari “Liverpul” va “Nyukasl” ham qiziqish bildirmoqda.

24 yoshli yarim himoyachi 2019 yilning iyul oyidan buyon "ko‘klar" sharafini himoya qilib kelmoqda. Mauntning londonliklar bilan amaldagi shartnomasi 2023/2024 yilgi mavsum oxirida yakuniga yetadi. Uning transfer narxi 70 million yevroga baholanmoqda.