Лондоннинг "Челси" клуби ярим ҳимоячиси Мейсон Маунт фаолиятини бошқа инглиз топ-клубида давом эттириши мумкин. The Guardian хабарига кўра, "Манчестер Юнайтед" футболчини ўз сафига қўшиб олмоқчи.

Манбанинг таъкидлашича, "қизил иблислар" ўрта чизиқни мустаҳкамлаш учун уни арзонроқ вариант деб ҳисоблаган ҳолда, диққатини Жуд Беллингемдан Маунтга ўтказишга қарор қилишди. Мейсон хизматларига "манкунианликлар"дан ташқари “Ливерпуль” ва “Ньюкасл” ҳам қизиқиш билдирмоқда.

24 ёшли ярим ҳимоячи 2019 йилнинг июль ойидан буён "кўклар" шарафини ҳимоя қилиб келмоқда. Маунтнинг лондонликлар билан амалдаги шартномаси 2023/2024 йилги мавсум охирида якунига етади. Унинг трансфер нархи 70 миллион еврога баҳоланмоқда.