Fransiya terma jamoasi va Frankfurtning “Ayntraxt” klubi hujumchisi Randal Kolo-Muani “Bavariya”ning qiziqishlari doirasiga tushib qoldi. Bu haqda Todofichajes portali xabar bermoqda.

Nemis grandi yanvar oyidagi transfer oynasida 24 yoshli futbolchini qo‘lga kiritishga harakat qiladi. Potensial bitim summasi 37 million yevroga baholanmoqda. Hujumchining "Ayntraxt" bilan amaldagi shartnomasi 2027 yilning iyun oyi oxirida yakuniga yetadi.

Germaniya chempionatining joriy mavsumida Kolo-Muani 22 ta o‘yin o‘tkazib, 11 ta gol urgan (bittasi penaltidan) va 10 ta golli uzatmani amalga oshirgan.