Франция терма жамоаси ва Франкфуртнинг “Айнтрахт” клуби ҳужумчиси Рандал Коло-Муани “Бавария”нинг қизиқишлари доирасига тушиб қолди. Бу ҳақда Todofichajes портали хабар бермоқда.
Немис гранди январь ойидаги трансфер ойнасида 24 ёшли футболчини қўлга киритишга ҳаракат қилади. Потенциал битим суммаси 37 миллион еврога баҳоланмоқда. Ҳужумчининг "Айнтрахт" билан амалдаги шартномаси 2027 йилнинг июнь ойи охирида якунига етади.
Германия чемпионатининг жорий мавсумида Коло-Муани 22 та ўйин ўтказиб, 11 та гол урган (биттаси пенальтидан) ва 10 та голли узатмани амалга оширган.
