Erik ten Xag Premyer-ligada oyning eng yaxshi murabbiyi deb topildi.
“Manchester Yunayted” bosh murabbiyi fevral oyidagi sovrinni oldi. Shu oy davomida uning qo‘l ostidagi jamoa Angliya chempionatida 4 ta o‘yin o‘tkazib, 10 ochko jamg‘argan.
Ten Xag bu mavsumda ikkinchi marta Premyer-ligada oyning eng yaxshi murabbiyi sovrinini qo‘lga kiritdi, avvalroq u sentyabr oyida sovrinni qo‘lga kiritgan edi.
Fevral oyining eng yaxshi murabbiyi nomiga ovoz yig‘ishda niderlandiyalik mutaxassis “Tottenxem” bosh murabbiyi Antonio Konte va “Fulxem” ustozi Marku Silvani ortda qoldirdi.