Эрик тен Хаг Премьер-лигада ойнинг энг яхши мураббийи деб топилди.
“Манчестер Юнайтед” бош мураббийи февраль ойидаги совринни олди. Шу ой давомида унинг қўл остидаги жамоа Англия чемпионатида 4 та ўйин ўтказиб, 10 очко жамғарган.
Тен Хаг бу мавсумда иккинчи марта Премьер-лигада ойнинг энг яхши мураббийи совринини қўлга киритди, аввалроқ у сентябрь ойида совринни қўлга киритган эди.
Февраль ойининг энг яхши мураббийи номига овоз йиғишда нидерландиялик мутахассис “Тоттенхэм” бош мураббийи Антонио Конте ва “Фулхэм” устози Марку Силвани ортда қолдирди.