"Real" rahbariyati "Barselona"ning korrupsiyada ayblanishi bilan bog‘liq vaziyatni muhokama qiladi.
Eslatib o‘tamiz, kecha Kataloniya prokuraturasi klub va uning sobiq prezidentlari Xosep Bartomeu va Sandro Roselga qarshi texnik hakamlar qo‘mitasi sobiq vise-prezidenti Xose Mariya Anrikes Negreyraga to‘lovlar bo‘yicha korrupsiya bo‘lishi mumkin bo‘lgan ish yuzasidan sudga murojaat qilgan edi.
Negreyraning to‘lovlari klubda hakamlikni ta’minlashga qaratilganligi isbotlansa, "Barselona" aybdor deb topiladi.
"Prokuratura tomonidan "Barselona" va uning ikki prezidentiga korrupsiya va hakamlar texnik qo‘mitasi sobiq vise-prezidenti Xose Mariya Anrikes Negreyra bilan aloqalari bo‘yicha asosli shubhalar bilan bog‘liq ayblovlar jiddiyligini hisobga olib, Florentino Peres ushbu masala bo‘yicha "Real" maqsadga muvofiq deb hisoblagan harakatlar bo‘yicha qaror qabul qilish uchun direktorlar kengashini shoshilinch yig‘ilishga chaqirdi", - deyiladi Madrid jamoasi bayonotida.
"Real Madrid" direktorlar kengashi yig‘ilishi 12 mart, yakshanba kuni bo‘lib o‘tadi.
