“Andijon” klubining albaniyalik legioner Rubin Xebay “Surxon”ga qarshi uchrashuvda zaxiradan maydonga tushirildi.

Ammo o‘yin oxirlarida hakam unga tushunarsiz holatda sariq va so‘ng qizil kartochka ko‘rsatib, maydondan chetlatdi. Uchrashuvdan so‘ng Xebay o‘z fikrlarini aytdi.

"Biz yaxshi o‘ynadik deyishim mumkin. Ammo to‘g‘risini aytganda, o‘yin ritmi o‘z darajasida bo‘lmadi. Bunga ko‘proq hakam aybdor deb hisoblayman. Birinchi qizil kartochkagacha yaxshi o‘yin ko‘rsatayotgandik. Lekin uchrashuv davomida ikkita katta pauza bo‘ldi va bu bizni o‘yin ritmimizga ta’sir qildi.

Men raqib jamoadan ustun edik, deya olmayman. Biroq fikrimcha, biz bu uchrashuvda yuta olardik. Menda shunday fikr tug‘ilyaptiki, ushbu o‘yinni hakamlar tufayli yutqazdik.

Uchrashuvdan keyin hakamga tushuntirishga harakat qildim. Chunki men o‘sha vaziyatda raqibga umuman tegmagandim. Hattoki, ushbu holat uchun sariq kartochka berilishi ham to‘g‘ri bo‘lmasdi. Chunki raqib o‘yinchisining boshi pastga qaragandi va o‘zi to‘pga boshi bilan qarab keldi. Aslida unga tekkanim ham yo‘q. Hakamga alban tilida nima qilsang qilishing mumkin, deb gapirdim. Lekin hakam meni haqoratlayapti, deb tushundi, shekilli. Uchrashuvdan keyin unga tushuntirmoqchi bo‘lganimda ham u meni haqorat qilding degan gapni aytdi", — dedi Rubin Xebay.

“Andijon” matbuot xizmati.