Superliganing 2-tur bahsida "Paxtakor" ustidan qozonilgan g‘alabadan so‘ng uchrashuvning eng yaxshi futbolchisi deb topilgan "Neftchi"ning ukrainalik himoyachisi Oleksey Larin jamoa matbuot xizmatiga qisqacha intervyu berib o‘tdi.

—Amaldagi chempion bilan bo‘lib o‘tgan o‘yin hususida fikrlaringizni bildirib o‘tsangiz

—Jamoamiz shu kuni chempionlikka davogarlardan biri bo‘lgan" Paxtakor" ustidan ajoyib va o‘ta muhim g‘alabani nishonladi.

—Mazkur bellashuvda siz eng yaxshi o‘yinchi sifatida e’tirof etildingiz. Bu borada taassurotlaringizni qanday.

—Taassurotlarim juda ijobiy. Jamoam uchun har doim foydali bo‘lishim menga quvonch bag‘ishlaydi.Asosiysi, ushbu o‘yinda uch ochkoni qo‘lga kiritdik va muxlislar bundan mamnun bo‘ldilar.

—Shu kuni stadionda haqiqiy anshlag guvohiga aylandik. Bu manzara sizga ma’qul keldimi.

—Futbolchi uchun bunaqangi atmosfera, ayniqsa jamoani yuqori saviyada qo‘llab-quvvatlashlari hamisha juda yoqimlidir.SHu bilan birga muxlislarimizni o‘yinimiz orqali xursand qildik deb o‘ylayman va ularga minnatdorchiligimizni bildiraman.