Myunxengladbaxning "Borussiya" klubi hujumchisi Markus Tyuram joriy mavsum yakunida jamoasini o‘zgartiradi.

25 yoshli futbolchi iyun oyida tugaydigan shartnomasini uzaytirishdan bosh tortdi. Unga da’vogarlar orasida Angliyaning “Manchester Yunayted” va “Nyukasl”, shuningdek, Italiyaning “Yuventus” va “Inter” klublari bor. Calciomercato xabariga ko‘ra, ayni damda hujum qanotlarida o‘ynashga qodir fransiyalik hujumchi uchun kurashda aynan "neradzurrilar" eng yaxshi imkoniyatga ega.

Markus Tyuram bu mavsumda Bundesliganing 23 o‘yinida 11 gol va 3 golga assistentlik qilgan.