«Manchester Yunayted» bosh murabbiyi Erik ten Xag jamoasiga yangi hujumchi topdi. 

Calciomercato xabariga ko‘ra, menxengladbaxning «Borussiya»si va Fransiya terma jamoasining markaziy hujumchisi Markus Tyuram gollandiyalik mutaxassisning e’tiboriga tushgan.

«Mankunianliklar» yozgi transfer oynasida fransiyalik to‘purarni qo‘lga kiritishga harakat qiladi.

Ten Xagning fikricha, Markus «qizil iblislar»ning uslubi uchun ideal variant hisoblanadi.

25 yoshli hujumchi joriy mavsum Germaniyada 23 ta o‘yinda maydonga tushib, 11 ta gol va 3 ta golli uzatmaga mualliflik qilgan. Uning «Borussiya» bilan shartnomasi kelasi yil yozida tugaydi.