Kataloniyaning "Barselona" klubi sobiq himoyachisi Jerar Pike Ispaniya chempionatining joriy mavsumidagi "ko‘k-anorranglilar"ning o‘yini haqida o‘z fikrlari bilan o‘rtoqlashdi.

"Barselona" Ispaniya chempionatida ajoyib holatda. Jamoa rekordlar o‘rnatmoqda va juda kam gol o‘tkazmoqda. Kataloniyaliklar hozirda chempionlik uchun asosiy davogarlar. Men hali ham o‘zimni jamoaning bir qismidek his qilyapman. "Barsa"ning La Ligadagi g‘alabasidan juda xursand bo‘laman. Men bayramda ishtirok etishni xohlayman”, - deya Pikening so‘zlaridan iqtibos keltirgan Sport.es.

Ispaniya chempionatining 25-turidan so‘ng “Barselona” 65 ochko jamg‘arib, turnir jadvalida birinchi o‘rinni egallab turibdi. Xavi shogirdlari ikkinchi o‘rindagi "Real"dan 9 ochko oldinda.