Каталониянинг "Барселона" клуби собиқ ҳимоячиси Жерар Пике Испания чемпионатининг жорий мавсумидаги "кўк-анорранглилар"нинг ўйини ҳақида ўз фикрлари билан ўртоқлашди.
"Барселона" Испания чемпионатида ажойиб ҳолатда. Жамоа рекордлар ўрнатмоқда ва жуда кам гол ўтказмоқда. Каталонияликлар ҳозирда чемпионлик учун асосий давогарлар. Мен ҳали ҳам ўзимни жамоанинг бир қисмидек ҳис қиляпман. "Барса"нинг Ла Лигадаги ғалабасидан жуда хурсанд бўламан. Мен байрамда иштирок этишни хоҳлайман”, - дея Пикенинг сўзларидан иқтибос келтирган Sport.es.
Испания чемпионатининг 25-туридан сўнг “Барселона” 65 очко жамғариб, турнир жадвалида биринчи ўринни эгаллаб турибди. Хави шогирдлари иккинчи ўриндаги "Реал"дан 9 очко олдинда.
