Madridning “Atletiko” klubi Gruziya terma jamoasi va “Valensiya” darvozaboni Giorgi Mamardashviliga qiziqib qoldi, deb xabar beradi Todofichajes. "Matraschilar" Angliya Premyer-ligasidan taklif olgan Yan Oblakning o‘rniga 22 yoshli darvozabon nomzodini ko‘rib chiqmoqda.
Mamardashvilining transferi yozgi transfer oynasida yakunlanishi mumkin. Darvozabonning narxi 25 million yevroga baholanmoqda. Uning "ko‘rshapalaklar" bilan shartnomasi 2027 yilning yoziga qadar mo‘ljallangan.
Ispaniya chempionatining 2022/2023 yilgi mavsumida Giorgi 25 ta o‘yinda qatnashib, 28 ta gol o‘tkazib yuborgan. Uning hisobida beshta quruq o‘yin bor.