Мадриднинг “Атлетико” клуби Грузия терма жамоаси ва “Валенсия” дарвозабони Гиорги Мамардашвилига қизиқиб қолди, деб хабар беради Todofichajes. "Матрасчилар" Англия Премьер-лигасидан таклиф олган Ян Облакнинг ўрнига 22 ёшли дарвозабон номзодини кўриб чиқмоқда.
Мамардашвилининг трансфери ёзги трансфер ойнасида якунланиши мумкин. Дарвозабоннинг нархи 25 миллион еврога баҳоланмоқда. Унинг "кўршапалаклар" билан шартномаси 2027 йилнинг ёзига қадар мўлжалланган.
Испания чемпионатининг 2022/2023 йилги мавсумида Гиорги 25 та ўйинда қатнашиб, 28 та гол ўтказиб юборган. Унинг ҳисобида бешта қуруқ ўйин бор.
