Gvardiola o‘z davrining eng yaxshi murabbiylaridan biri sifatida e’tirof etiladi. Ispaniyalik mutaxassis o‘zining "Barselona", "Bavariya" va "Manchester Siti"dagi davrida katta yutuqlarga erishdi. Bunda unga ko‘plab yulduz futbolchilar ko‘maklashdi. Quyida ulardan tuzilgan ramziy terma jamoa bilan tanishasiz.
Darvozabon: Ederson
Pep "Barsa"da eng ko‘p Viktor Valdesga ishonch bildirgandi. Ammo eng ko‘p foydalanish borasida Ederson uni ortda qoldirdi. Gvardiola braziliyalik posbondan so‘nggi besh yilda tinmay foydalanib kelmoqda. Ederson "shaharliklar" safida 275 ta bahs o‘tkazishga ulgurdi.
Chap qanot himoya: Kayl Uoker
Dani Alvesh "Barsa"da Gvardiola tomonidan to‘rt yil davomida foydalaniladi. Ammo Uoker undan o‘zgir chiqdi. Pep ingliz himoyachisiga 2017 yildan beri ishonch bildirib kelmoqda. 32 yoshli futbolchi hozir ham eng ishonchli vakil hisoblanadi.
Markaziy himoya: Jon Stounz
Gvardiola 2016 yilda yettita futbolchi xarid qiladi. Ular ichida Stounz ham bor edi. Ha, himoyachi "Manchester Siti" doimo asosiy tarkib vakili bo‘lmagan. Ammo oxirgi paytlarda Jon bu nom uchun qattiq kurashdi. Gvardiola qo‘l-ostida Stounz 224 ta o‘yinda ishtirok etdi va pozisiya jixatdan bu rekord natija sanaladi.
Markaziy himoya: Jerar Pike
Gvardiola "Barselona"ga ilk kelgan vaqtlarida Ronaldinyo va Deko kabi nomlardan qutulish asnosida, bir qancha futbolchilarni sotib oladi. Ular ichida Pike ham bor edi. Pike o‘zining ota-klubida 2008 yilda debyut qiladi. Gvardiola Pikeni yulduz bo‘lishida katta rol o‘ynagan deyish mumkin. Futbolchining jami 616 ta bahsining 183 tasi Gvardiola davrida yuz bergani ham buni isbotlaydi.
Chap qanot himoya: Erik Abidal
Abidal ham "Barselona"ning eski firqa vakili sanaladi. Fransuz futbolchisi klubga Gvardioladan bir yil ilgari kelib, undan bir yil o‘tib, ketadi. 4 yil ichida esa Abidalning darajasi keskin o‘zgargandi. 2011 yilgi YECHL finali futbolchining eng yorqin davrlaridan biri sifatida e’tirof etiladi.
Tayanch yarim himoya: Fernandinyo
Fernandinyo bu borada Serxio Busketsga raqobat qiladi. Ammo, oxir-oqibat braziliyalik futbolchi g‘olib bo‘ldi. U Gvardiola davrida nisbatan ko‘proq foydalanilgandi. Fernandinyoning sakkiz yillik "shaharliklar" safidagi faoliyati 5 ta APL g‘olibligi bilan tugagan va shulardan 4 tasi Gvardiola davriga to‘g‘ri keladi.
Yarim himoyachi: De Bryuyne
Gvardiolaning eng ishongan futbolchilaridan biri, shubhasiz, Kevindir. U "Manchester Siti"ning muvaffaqiyatlarida muhim o‘ringa ega. Belgiyalik Gvardiola bilan 300 ta o‘yinda ishtirok etdi va bu mutlaq rekorddir.
Yarim himoyachi: Ilkay Gyundogan
Gvardiola Gyundoganni "Bavariya"dagi vaqtidayoq bilardi. Shu sababdan Angliyaga kelishi bilan uni "Borussiya Dortmund"dan xarid qildi. 32 yoshli nemis futbolchisi aqliy va texnik mahorati bilan Gvardiola g‘oyalarini ro‘yobga chiqarishda katta ahamiyatga ega bo‘ldi.
O‘ng tomondagi hujumchi: Messi
Aslini olganda, bu pozisiyada Riyad Maxrez Messidan ustun turadi. Argentinalik afsonani tanlashimizga sabab, u Gvardiola tomonidan asosiy tarkibda ko‘p foydalanilgan. Shunga yarasha ko‘p daqiqaga ega bo‘lgan. Messi Pep bilan 219 ta bahsda 211 ta gol va 94 ta assistni amalga oshirgandi.
Markaziy hujumchi: Gabriel Jezus
Gvardiola o‘z tarixida Levandovski, Ibragimovich va Xoland kabi an’anaviy hujumchilarga ustozlik qilgan. Bu ro‘yxatda Jezus ajralib turadi. Negaki, u "Manchester Siti"da oddiy hujumchidan ko‘ra kattaroq ishni bajarardi. "Manchester Siti" safida jami 236 ta bahs o‘tkazib 95 ta gol (shuningdek, 46 ta assist) urgan Jezus, o‘zining mahorati bilan foydaliroq edi. U buni "Arsenal" safida ham isbotlab kelmoqda. Balki uning ketishi xato bo‘lgandir...
Chap tomondagi hujumchi: Raxim Sterling
Faqat De Bryuynegina Sterlingdan ko‘ra ko‘proq o‘yinni Gvardiola qo‘l-ostida o‘tkazgan. Ingliz hujumchisi 292 ta bahsda 120 ta gol va 85 ta assistga mualliflik qilgandi.
ISMATOV J.
