"Chelsi"ning sobiq futbolchisi Floran Maluda Meyson Mauntning kelajagi haqida gapirdi. 24 yoshli futbolchining “aristokratlar” bilan amaldagi shartnomasi 2024 yilning o‘rtalariga qadar tuzilgan.
"Maunt "Chelsi"da qolishi kerak. U klub va terma jamoada ko‘p o‘yin o‘tkazgan, futbolchining jismoniy tomondan yomon holatga tushishi normal holat. U "Chelsi" bilan Chempionlar Ligasi va boshqa sovrinlarni qo‘lga kiritdi. Bunday o‘yinchilarni saqlab qolish kerak", - dedi Maluda.
Meyson Maunt 2022/2023 yilgi mavsumda “Chelsi” safida 32 ta o‘yinda maydonga tushdi. Ularda yarim himoyachi uchta gol urdi va sheriklariga oltita golli uzatmani amalga oshirdi.
