"Leypsig" himoyachisi Yoshko Gvardiol "Manchester Siti"ning yozgi transfer oynasidagi asosiy maqsadi bo‘lib qolmoqda.
Insayder Fabrisio Romanoning so‘zlariga ko‘ra, 21 yoshli futbolchini "shaharliklar" bosh murabbiyi Xosep Gvardiola va klub direktorlar kengashi juda qadrlashadi. Xorvatiyalik himoyachiga “Chelsi” va “Liverpul” ham qiziqish bildirmoqda.
Biroq, hozircha hech narsa hal qilinmagan va Gvardiolning "Leypsig" bilan shartnomasida 2023 yilning yozi uchun tovon puli bandi yo‘q.
Himoyachi 2021 yildan beri "Leypsig"da o‘ynab kelmoqda. Joriy mavsumda u jamoa safida barcha musobaqalarda 30ta o‘yin o‘tkazib, 3ta gol urgan. Uning klub bilan shartnomasi 2027 yilning yoziga qadar mo‘ljallangan.