"Лейпциг" ҳимоячиси Йошко Гвардиол "Манчестер Сити"нинг ёзги трансфер ойнасидаги асосий мақсади бўлиб қолмоқда.
Инсайдер Фабрицио Романонинг сўзларига кўра, 21 ёшли футболчини "шаҳарликлар" бош мураббийи Хосеп Гвардиола ва клуб директорлар кенгаши жуда қадрлашади. Хорватиялик ҳимоячига “Челси” ва “Ливерпуль” ҳам қизиқиш билдирмоқда.
Бироқ, ҳозирча ҳеч нарса ҳал қилинмаган ва Гвардиолнинг "Лейпциг" билан шартномасида 2023 йилнинг ёзи учун товон пули банди йўқ.
Ҳимоячи 2021 йилдан бери "Лейпциг"да ўйнаб келмоқда. Жорий мавсумда у жамоа сафида барча мусобақаларда 30та ўйин ўтказиб, 3та гол урган. Унинг клуб билан шартномаси 2027 йилнинг ёзига қадар мўлжалланган.