Futbol agenti Jorje Mendesh tez orada “Barselona” vakillari bilan uchrashib, bir necha yillardan buyon “Real” sharafini himoya qilib kelayotgan mijozi Marko Asensioning ehtimoliy transferini muhokama qiladi.
Jurnalist Jerar Romeroning xabariga ko‘ra, "Barselona" haqiqatan ham shu yozda Asensioni o‘z safiga jalb qilish haqida o‘ylamoqda. Eslatib o‘tamiz, Marko erkin agentga aylanishi mumkin, chunki futbolchi "Real" bilan amaldagi shartnomasini uzaytirishdan yiroq.
Eslatib o‘tamiz, Asensio bir necha oy oldin intervyusida kelajakda "Barselona"ga o‘tishini istisno qilmagan edi. Ispaniyalik futbolchi joriy mavsumda 5 ta gol va 3 ta golli uzatmani amalga oshirdi.